Geat leat Kors på halsen?

Ii nu álki hállat?

Ii leat álo nu álki hállat váhnemiiguin, oahpaheddjiiguin dahje dearvvašvuođadivššáriin dan birra mii rupmašis dáhpáhuvvá, geasseluomu eahpelihkostuvvan liikosteami birra, oktonasvuođa, givssideami dahje váttisvuođaid birra bearrašis. Eará háviid lea dus nu miella muitalit man nu suohttasa mii lea dáhpáhuvvan, muhto ii oktage leat ruovttus. Dalle sáhttá leat buorre jus olbmos lea muhttin eará geainna sáhttá háleštit ja geasa sáhttá luohttit.
Buohkat geat leat gaskal 0-18 jagi sáhttet riŋget, sáddet e-poastta dahje čálašit Kors på Halsen:in ja ságastallat daid áššiid birra mat leat dehálaččat sidjiide. Min luhtte besset hállat rávisolbmuin geasa sáhttet luohttit, ja gii ii sáhte oaidnit geat sii leat. Sii sáhttet muitalit buot, sihke buriid áššiid ja dan mii orru bávččas ja váttis. Ii oktage ášši leat menddo stuoris, ii oktage ášši menddo unni. Go eallin duođaid šaddá veahá geahppasat go dus lea geainna háleštat.
Dá lea maid moattis leat dadjan maŋŋá go leat minguin háleštan:
"Lea buorre háleštit soapmásiin, nu ahte ii dovdda iežas dubmehallan."
"Go beassá dadjat dan maid háliida, de sáhttá leat buorre psyhkalaš dearvvašvuhtii ja leat veahkkin nagodit birget árgabeivviid."

Gii vástida?

Sii geat vástidit e-poasttaid, telefovnna ja čálašeami leat eaktodáhtolaččat Rukses Ruossas, sidjiide lea oahpahuvvon mo galgá hállat, guldalit ja doarjut mánáid ja nuoraid. Sis lea jávohisvuođageasku ja sii leat anonyma.
Eaktodáhtolaččat Kors på halsen:s vástidit dárogillii. Ozatgo veahkkefálaldaga eará gillii? Child Helpline International:s lea listu mas leat veahkkefálaldagat eará riikkain.

Ná sáhttet mánát váldit oktavuođa Kors på halsen:in

Riŋget: Lea nuvttá riŋget Kors på halsen telefovdnii, 800 333 21 sihke stohpotelefovnnain ja giehtatelefovnnain Norggas, ja mii eat sáhte oaidnit nummara mas riŋget.
Čálašit: Deaddil dan gova mas čuožžu chat min ovdasiiddus, ja deavdde veahá dieđuid maid mii dárbbašat vai sáhttit gulahallat ja ráhkadit statistihkaid, ja de oaččut oktavuođa minguin. Ja de lea beare vuordit vástádusa!
E-poastta bokte: Neahttasiiddus sáhttá logget sisa geavaheaddjin. Vuosttaš háve ferte iežas registreret ođđa geavaheaddjin. 
Korspåhalsen.no: Siiddus korspåhalsen.no sáhttet nuorat jearrat, doarjut ja digaštallat eará nuoraiguin forumis, dahje lohkat iešguđetge áššiid mat gusket sidjiide min fáddásiidduin. Leatgo eahpesihkkar gos gávnnat dan masa dárbbašat vástádusa? Geahččal ohcat dahje váldde oktavuođa ja jeara mis. Buot lea lohpi, ja eai gávdno jallas dahje menddo váttis jearaldagat dáppe Kors på halsen:s!

Min verddiide

Kors på halsen ii leat heahteveahkki, muhto vuosttašceahkkefálaldat gos mánát sáhttet váldit oktavuođa áššiiguin mat sidjiide leat dehálaččat ¬– leaš dal stuorra vai smávva ášši. Midjiide Kors på Halsen:s lea dehálaš váldit mánáid duođas, dan bokte ahte mii guldalat, doarjut ja addit doaivaga. Mii leat almmolašvuhtii lassin.
Ahte mii bovdet ságastallamiidda diibmodiŋgojumi haga, anonyma ja nuvttá, dahká ahte ii leat alla lassá váldit oktavuođa. Lea dávjá nu ahte lea dáppe máŋgasat vuosttaš háve muitalit dan mii birra mii sidjiide lea váttis. Mii háliidat doarjut máná, muhto maiddá nannet máná gávdnat veahki iežas birrasis ja su fierpmádagain. Min luhtte sáhttet álggahit ságastallama, ja hárjehallat dadjat dan maid rievtti mielde háliidit muitalit ruovttus.
Jahkeraporttaid/plakáhtaid gávnnat dáppe (ávdnasat leat dušše girjedárogillii)